Mu gihe isi ihimbaza umunsi mpuzamakungu wahariwe agateka k’abakenyezi, Umuhari w’Abakenyezi n’Abigeme baharanira Amahoro n’Umutekano mu Burundi (MFFPS) wasohoye itangazo, aho usubira kwiyemeza kurwanira, guteza imbere no gukingira agateka k’abakenyezi n’abigeme.
Umuhari MFFPS urerekana ubusumbasumbane mu bijanye n’imibano, ubutunzi n’umutekano, bibandanya bigira ingaruka ku bakenyezi mu Burundi. Uwo muhari urashimikira ku nkurikizi z’ingorane ziturutse ku butunzi, ukudahabwa amahirwe gukwiye, hamwe n’amabi afatiye ku gitsina akibandanya.
Iryo tangazo rihamagarira inzego za Leta, amashirahamwe adaharanira ivyicaro vya politike hamwe n’abafatanyabikorwa kwongereza inguvu mu gushigikira iterambere ry’abakenyezi, mu kuronsa indero n’ubumenyi abigeme, hamwe no gutsimbataza uburyo bwo kubakingira no kuronswa ubutungane.
Gusoma itangazo : ITANGAZO RY’UMUHARI MFFPS 08 NTWARANTE 2026